السلام عليكم
متل ما تعودنا دائما شعارنا (الطالب آخر من يعلم ) بس على فكرة نحنا كمان في حق علينا لانو ما منسأل
المهم
قعدت مع رئيسة شؤون الطلاب من كم يوم فخطر لي اسألها عن موضوع إذا واحد ترفع بالفصل الأول على السنة يلي بعدها بيكسب فصل اذا وقف تسجيله ولا لا؟ متل ما ذكر الدكتور دلر قدام معاز
فشرحت لي عن القانون الجديد يلي صار بيشمل الكل
يجب الدخول على الكلية والتخرج منها خلال 7 سنوات ونصف
مقسمة كالتالي
السنة الأولى أربع دورات يجب الترفع في إحدى الدورات الثلاثة الأخيرة وإلا يستنفذ الطالب
السنة الثانية تماما مثل السنة الأولى
السنة الثالثة دورتان وكذالك الرابعة أما الخامسة فهي ثلاث دورات
يعني سنتين أولى سنتين ثانية سنة ثالثة سنة رابعة سنة ونص خامسة
والفكرة انو اذا ترفعت من اولى على تانية بدون رسوب فانت اكيد موفر فصلين لانو بتكون استهلكت دورتين من دورات السنة الاولى الاربعة
اما اذا رسبت بالسنة الاولى وترفعت بالفصل الاول للسنة التانية فانت اذا نزلت مواد من السنة يلي بعدها بتكون استهلكت الفصل الرابع للسنة الاولى في حين اذا وقفت تسجيلك بالفصل الرابع فانت بتكون وفرتو لاحدى السنوات المتقدمة وما فيك تستفيد منو بالسنة التانية يعني بتوفرو للسنوات ثالثة رابعة خامسة
لانو نظام العد بالجامعة (او الحياة الجامعية ) يحسب بالفصول يلي الطالب بكون مسجل فيها أسمه بالكلية
وأي دورة بكون الطالب موقف تسجيله فيها أو محروم دورتين أو أربعة كما متعارف لسبب ما لا يحتسب من الحياة الجامعية يلي هي عبارة عن 15 دورة فصلية وبإمكانك تختصرها الى عشرة دورات على الاقل
والفكرة انو اذا الطالب استهلك بالسنة الاولى اربعة فصول والتانية كمان اربعة فصول بصير رسوبه لمرة واحدة في السنوات الثالثة او الرابعة او الخامسة سوف يؤدي الى الاستنفاذ وعلى موجب مرسوم الاستنفاذ يلي صدر شكلو رح يكون الاخير لانو شمل كل المستنفذين من سنة 2000 لسنة 2009 حوالي 150000 مستنفذ بالجامعات الاربعة (حلب دمشق البعث تشرين) يعني حتى يلي بدو يستنفذ بالفصل الحالي رح يشملو القرار ومتل ما عم اسمع من شي سنة انو بعد القرار القادم يلي صدر من كم يوم عم يدرسوا فكرة الطالب يلي بدو يستنفذ رح يقبلوا يرجعوا ولكن يعتبر من طلاب التعليم الموازي (ويلي اصلا تعليمه موازي شو بصير في ؟)
المهم حبيت فيدكن لانو غالبا في طلاب ما بيعرفوا هالحكي
وبالاخير الله لا يحيج حدى ليحسب على اساس هالمعلومة ونشالله الكل بيتخرج بدون وقفة
ودمتم
مع كل تقديري yas.yas
» الفيزياء 1 نزلت على كهربجية . كوم سارع بالدخول
» الموقع الجديد يعود للعمل---- هاااااااام
» لحظة بلحظة نتائج الإمتحانات على الموقع الجديد .... سارع بالدخول
» خبر عاجل رياضيات 2 على كهربجية . كوم الجديد !!!
» خبر عاجل ... رياضيات 2 للحاسبات على الموقع الجديد ... ادخل للحصول على الرابط
» معلومة لازم الكل يعرفها
» هااااااااااام سنة اووووووولى
» رحلة كهربجية . كوم - شاركونا
» لقاء مع العميد...
» هام إلى كل السنوات
» قرار جديد